Металл және қорытпалар

Мерзімі \ сыныбы

Сыныбы: 8 22.12.2017 жыл

Сабақтың тақырыбы:

Металл және қорытпалар.

Сабақтың мақсаты:

Білімділік:Металлдан жасалған бұйымдар жөнінде жалпы мағлұмат беру

Дамытушылық: Металдар мен олардың қорытпалары, сұрыптық илем түрлері және қолдану, белгіні қою туралы баяндай отырып оқушылардың технология пәніне деген қызығушылығын ояту және дамытушылығын арттыру

Тәрбиелік: Еңбек сүйгіштікке, ата- анасына көмектесуге, шығармашылық жұмыспен айналысуына тәрбиелеу.

Негізгі идеялар:

Оқушылар тақырып бойынша мәліметтерін кеңейтеді, сыни тұрғыдан ойлауды үйренеді

Күтілетін нәтиже:

Тақырып бойынша мәліметтер алады, қолданады, зертеп-жинақтайды.

қолданылатын әдіс- тәсілдер

миға шабуыл, топтастыру стратегиясы, диалог, бағалау, кері байланыс, шығармашылық.

Уақыты

Мұғалімнің іс-әрекеті

Оқушының іс-әрекеті

Дерек-

көздер

1 мин

Психологиялық дайындық

1. Кезең. Топқа бөлу.

Топтастыру стратегиясын пайдалана отырып қара металл және түсті металл сөздері жазылған парақты таңдау арқылы 2 топқа бөлемін.

Топтарға бөлінеді.

Топ ережесін сақтайды.

Міндеттерді өзара бөліседі.

Әр топ бір- біріне сәттілік тілейді.

8 мин

2 кезең: Үй тапсырмасын сұрау

«Біліміңді көрсет» Әр топ таңдаған ұяшығындағы қойылған сұрақтарға жауап береді.

Металлургия- рудадан металл қорыту және оны бастапқы өңдеумен байланысты болып келетін ауыр өнеркәсіп саласы

Слесарлық ара- жұқа табақты металлды слесарлық қайшымен кеседі. Сұрыптық прокат дайындамаларын ( табақтарды, құбырларды, шыбықтарды, бұрыштықты) кесуге қолданылады.

Жамылтқы қаңылтыр- жұқа (қалындығы 0,5-0,8 мм) табақты болат, ыстық және суық (иімділігін арттыру үшін күйдіріледі) илем әдістерімен дайындалады. Жай және мырышталған түрлерге бөлінеді. Ғимараттардың шатырын жабуға, металл қораптар, күнделікті қолданыстағы бұйымдарды жасауда кең қолданылады.

Металл түрлері- Қара металл- шойын, болат ;

түсті металл- алюминий, мыс, жез, қола.

Металл шабу- Қашау мен балғаның көмегімен дайындамадан металл қабатын бөлетін немесе дайындаманы бөліктерге бөлетін технологиялық операция. Шабу жұмысы іскенжеде, тақтада немесе төсте орындалады.

Металл қасиеттері- Металлдар мен қорытпалар әр түрлі қасиеттерге ие. Олардың бірі жұмсақ, тұтқыр, бірі қатты, серпімді немесе морт келеді.

Беріктік- Металлдың өзіне түскен күшке бұзылмай шыдау қасиеті.

Қаттылық- Басқа одан да қатты заттың өзіне енуіне кедергі жасай алу қасиеті

Серпімділік- Металлдың жүктеме алынғаннан соң бастапқы формасына қайта келу қабілеті

Тұтқырлық- Металлдың үстемеленетін жүктемелерге қарсы тұру қасиеті

Болат- Бұл темір мен көміртектің қорытпасы. Одан сым, шеге, бұрамалар, пышақтар, бұрандамалар, серіппелер дайындауға қолданылады.

Сұрақтарға жауап береді.

Оқушылар бір-біріне сұрақтар қою арқылы өткен тақырыпты қорытындылайды.

Диалогқа түсу. Мұғаліммен оқушы арасында алтын көпір қалыптастыру

Оқушылар жауаптарын бағдар шам арқылы бағалау

слайд парағында сұрақтар мен жауаптар

3 мин

3 кезең. « Ой қозғау »

Оқушының ой- өрісі дамып, тапқырлық, танымдық, шығармашылық қабілеттерін қалыптастыру мақсатында сұрақ – жауап әдісін пайдаланамын.

1. Ең бірінші қолданылған металл?

2. Қай дәуірден бастап адамзат баласы металлдан жасалған құралдарды игере бастады?

3. Адамдар металл өңдеуді бұдан неше мың жыл бұрын үйренді?

4. Суретке қарап темір қорыту әдісін баяндап бер.

Сыни тұрғыдан ойлау стратегиясы арқылы қойылған сұрақтарға жауап береді.

Бұрын білетін мәліметтерін естеріне түсіріп, қосымша тың мәліметтер жинақтайды.

Оқушылар жауаптарын бағдаршам арқылы бағалау

Слайд

Бейне фильм

3 мин

4.кезең ІІ. Негізгі бөлім

Оқушылар пікірінен кейін жаңа тақырыптын мақсатын көрсетемін және қысқаша мәлімет беремін. Оқушының ой- өрісі дамып, тапқырлық, танымдық, шығармашылық қабілеттерін қалыптастыру мақсатында сұрақ – жауап әдісін пайдаланамын.

INSERT әдісі арқылы айтылған мәліметтерді дәптерге жазады.

АКТ

слайд

3 мин

5. кезең Деңгейлік тапсырма

А

1. Болат дегеніміз қандай болады? (..)

2. Шойын дегеніміз не?(..)

Б

Басқа түсті металдарға қарағанда ерекше қасиеттері бар. Түрлі зергерлік бұйымдар, дәл аспаптар жасауда пайдаланылады (мысалы, компьютер, кеңсе техникалары, электр аспаптарын және т.б) қолданатын қандай металл түрі (.)

С

2. Сұрыптық илемнің негізгі түрлерін ата(.)

3. Сұрыптық илемнен қандай бұйымдар жасалады? (..)

Берілген деңгейлік сұрақтар бойынша өз пікірлерін білдіреді және сыни тұрғыдан ойлап ойларын жеткізе біледі.

слайд

12 мин

6. кезең. «Кім жылдам?» Шығармашылық тапсырма. Сабақты пысықтау мақсатында деңгейлік тапсырма беремін.( жұптық, топтық жұмыс)

1. Жамылғы қаңылтырдан гүл шоғырларын жасау
2. Білезік, сақина макетін жасау

3. Орындалған тапсырмаларды қорғау

Шығармашылық тапсырманы орындап, топтың бір мүшесі қорғайды.

Үздік топ мүшелерін бағдаршам арқылы бағалау

Жамылғы қаңылтыр, біріктіргіш құрал- саймандар, егеу, қысқыш т.б.

3 мин

7 кезең. «Бекіту» Тест

Оқушылар бұрын білетін мәліметтерін, естігендерін естеріне түсіре отырып сыни тұрғыдан ойлайды және сұрақтарға жауап береді

слайд

2 мин

8 кезең. Үйге тапсырма. Бағалау. Кері байланыс.

• Тақырыпты толық меңгеру.

Жинақталған бағдаршам арқылы бағалау

Оқушылар жауаптарын бағдаршам арқылы бағалау.

Білемін, Білдім, Білгім келеді.